काठमाडौँ,२५ चैत । सुदूरपश्चिम प्रदेशले जारी ललितपुर मेयर कप महिला टी २० क्रिकेट प्रतियोगितामा तेस्रो जित निकालेको छ । यो जितसँगै सुदूरपश्चिम फाइनलमा पुगेको छ ।
बुधबार भएको खेलमा सुदूरपश्चिमले लुम्बिनी प्रदेशलाई आठ विकेटले हरायो ।टियु क्रिकेट मैदानमा टस जितेर पहिले ब्याटिङ गरेको लुम्बिनीले २० ओभरमा ९ विकेट गुमाउँदै ७२ रन बनायो ।
लुम्बिनीका लागि लक्ष्मी चौधरीले सर्वाधिक २६ रन बनाईन । यस्तै कप्तान नेरी थापाले ११ रन जोडिन । अन्य खेलाडीले दोहोरो अंक जोड्न सकेनन् । लुम्बिनीका दुई खेलाडीले मात्र दोहोरो अंक जोड्न सकेन ।
कमजोर सुरुवात गरेको लुम्बिनीले १५ रनमा पहिलो विकेट गुमायो । त्यसपछि ३७ रन हुँदा दोस्रो विकेट खेर फालेको लुम्बिनीले ५१ रनमा तेस्रो विकेट झार्न पुग्यो ।उसका मध्यक्रमका कुनैपनि खेलाडीले राम्रो ब्याटिङ गर्न सकेन । उसले स्कोरबोर्डमा अरु ११ रन थप्दा अरु ६ विकेट गुमायो ।
बलिङमा लक्ष्मी साउदले चार ओभरमा मात्र १७ रन खर्चिएर चार विकेट लिइन । यस्तै रितु कनोजियाले तीन विकेट हात पारिन ।जवाफमा सुदूरपश्चिमले १२ ओभर तीन बलमा मात्र दुई विकेट गुमाउँदै लक्ष्य पुरा गर्यो ।
सुदूरपश्चिमको जितमा मंजु बोगटीले २६ रन बनाइन भने रेवती धामीले १७ को योगदान गरिन । यस्तै विन्दु रावलले रनको जोडिन ।योसँगै प्रदेश एक र लुम्बिनी प्रतियोगिताबाट बाहिरीएका छन ।उपाधिको लागि सुदूरपश्चिमले नेपाल एपिएफ क्लबसँग शनिवार खेल्ने छ ।
