कञ्चनपुर । कञ्चनपुरमा लागु औषधसहित २ जना युवायुवती पक्राउ परेका छन्। भीमदत्त नगरपालिका–४ बजार क्षेत्रबाट सोमबार २ जना युवायुवतीलाई पक्राउ गरिएको प्रहरीले जनाएको छ।
बजार क्षेत्रबाट १९ वर्षीय सन्जोग भण्डारी र १८ वर्षीया प्रिति मडैलाई पक्राउ गरिएको जिल्ला प्रहरी कार्यालयका प्रवक्ता प्रहरी नायब उपरीक्षक अमरबहादुर थापाले जानकारी दिए।
उनकाअनुसार उनीहरुको साथबाट शून्य दशमलव ७२ ग्राम चरेश र शूल्य दशमलव १५ ब्राउन सुगर बरामद गरिएको छ। पक्राउ परेका उनीहरुलाई हिरासतमा राखेर अनुसन्धान भइरहेको प्रहरीले जनाएको छ।
