वातावरण विभागको तथ्याङ्कअनुसार सोमबार बिहान सबैभन्दा धेरै वायु प्रदूषण कैलालीको धनगढीमा रहेको छ । वायुको गुणस्तर एयर क्वालिटी इन्डेक्स (एक्यूआई) नेपालमै सबभन्दा बढी धनगढीको ४२९ पुगेको छ ।
एक्यूआई ५० सम्म हुनु राम्रो मानिन्छ । तर ५० देखि १०० सम्मलाई ठिकै मानिन्छ । त्यस्तै एक्यूआई १५० सम्म पुग्दा संवेदनशील समूहलाई अस्वस्थकर हुन्छ । २०० सम्म पुगे सबैका लागि अस्वस्थ हुन्छ । एक्यूआई ३०० पुग्नु भनेको जोखिमपूर्ण हो । ३ सयभन्दा माथि जानुचाहिँ घातक हो ।
वन जंगलमा डढेलो, धनगढी लगायतका सहरमा बालिने प्लास्टिकको धुवाँ र धुलोलाई वायु गुणस्तर सूचकांक एक्यूआई बढ्नुको प्रमुख कारण मानिएको छ । कैलालीको चुरेसहित सुदूरपश्चिमका पहाडी जिल्लामा रहेका वनमा डढेलो लगाउने क्रम रोकिएको छैन ।
