काठमाडौँ,२३ चैत । नेपाल विद्यार्थी संघले पेट्रोलियम पदार्थको मूल्य वृद्धिको विरोधमा नेपाल आयल निगमको केन्द्रीय कार्यालय अगाडि धर्ना दिएको छ ।
निगमले आइतबार राति १२ बजेदेखि लागू हुनेगरी पेट्रोल, डिजेल र मट्टीतेलमा प्रतिलिटर दुई रुपैयाँका दरले मूल्य वृद्धि गरेपछि नेविसंघले सोमबार धर्ना दिएको हो ।
वर्तमान सरकारले कोरोना महामारीको समयमा जनतालाई राहत दिनुपर्नेमा पटक–पटक पेट्रोलियम पदार्थको मूल्य वृद्धि गरेर जनतालाई आहत दिएको विरोधमा धर्ना दिइएको नेविसंघका महामन्त्री दीपक भट्टराईले जानकारी दिए ।
सरकारले पेट्रोलियम पदार्थमा गरेको मूल्य वृद्धि तत्काल फिर्ता नलिए कडा आन्दोलन गर्ने उनले बताए ।
