महेन्द्रनगर । घरायसी विवादका कारण श्रिमानले श्रिमतीलाई चक्कु प्रहार गरेका छन् । ससुरालीमै सामान्य घरायसी विवाद हुँदा श्रीनानले श्रीमतीमाथि चक्कु प्रहार गरेको जनाईएको छ ।
कंचनपुरको पुनर्वास नगरपालिका वडा नम्बर ६ धौलागिरी टोल बस्ने ३० वर्षीय धनबहादुर सार्कीले श्रीमतीमाथी चक्कु प्रहार गरेको भन्दै पक्राउ गरिएको जिल्ला प्रहरी कार्यालयका प्रवक्ता प्रहरी नायब उपरीक्षक अमरबहादुर थापाले बताएका छ्न ।
सार्कीले आफ्नी २६ वर्षीया श्रीमती रुपा सार्कीको बाँया कोखमा चक्कु प्रहार गरेका थिए । चक्कु प्रहारबाट रुपालाई चोट लागेको भएपनि उनको अवस्था भने खतरा मुक्त रहेको छ ।
उक्त घटनाबारे थप अनुसन्धान भइरहेको जिल्ला प्रहरी कंचनपुरले जनाएको छ ।
