रंगहरुको पर्व होली हिन्दहरुको वर्षमा एकपटक फाल्गुन शुक्ल पूर्णिमाको दिन मनाइने विशेष पर्व हो। होली पर्व आज देशका पहाडी क्षेत्रहरुमा विशेषरुपमा मनाइँदैछ। होली खुसी सटासाट गर्ने, रमाइलो गर्ने पर्व हो।
होलीमा बालबालिका, युवामात्र रमाउँदैनन्, वृद्धवृदा पनि होलीमा रमाउने गर्छन्। हामीहरु होली खेल्नका लागि बजारमा उप्लबध हुने रंगहरुको प्रयोग गर्ने गर्दछौं। बजारमा पाइने कतिपय रंगहरुमा विभिन्न प्रकारका रसायन मिसाएको हुन्छ। जसले गर्दा हाम्रो शरीरमा क्यानसरसमेत हुन सक्छ। तसर्थ होलीमा रंगसँग खेल्दा विशेष सावधानी अपनाउनुपर्छ।
-प्राकृतिक रंग र सफा पानीको प्रयोग गर्ने ।
-गाढा रंगको प्रयोग नगर्ने ।
-सम्पूर्ण शरीर ढाक्ने कपडा लगाउने । साथै रंग खेल्नु अघि शरीरमा तोरीको तेल लगाउने ।
-बालबालिकालाई विशेष सावधानीमा राख्ने ।
-बालबालिकालाई सडकमा होली खेल्न रोक्ने । नत्र दुर्घटना पनि हुन सक्छ ।
-आँखामा चस्मा तथा ग्लासको प्रयोग गर्ने ।
-कसैलाई पनि इच्छा विपरित रंग लगाउने वा लोलाले नहान्ने । अन्यथा कारबाही हुन सक्छ ।
-अहिलेको समयमा कारोना भाइरसको संक्रमण दैनिक रुपमा बढदो क्रममा रहेको छ । तसर्थ सकेसम्म भिडभिाडमा नजाने । जसले गर्दा संक्रमण झन बढ्न सक्छ ।
-होली केही समय मात्र खेल्ने ।
-अपरिचित व्यक्तिलाई बाटो छेकेर रंग नलगाउने ।
-बाटोमा हिँडेको मान्छेलाई लोला हान्ने सोचले कुनै पनि अग्लो स्थान वा घरको छतको रेलिङमा नबस्ने नत्र लड्न सकिन्छ ।
-होली रमाइलोको लागि भनेर मदिरा वा भाङ सेवन नगर्ने ।
