धनगढीः कञ्चनपुरमा विवाहित युवती मृत अवस्थामा फेला परेकी छन्।
जिल्लाको भीमदत्त नगरपालिका–१० तिल्केनीमा २२ वर्षीया जयन्ती अवस्थी मृत अवस्थामा फेला परेको प्रहरीले जनाएको छ।
जिल्ला प्रहरी कार्यालयका प्रहरी निरीक्षक राजेश शाहीले अवस्थी बुधबार घरको आगनमा रहेको आँपको रुखमा झुण्डिएको अवस्थामा मृत भेटिएको बताए।
उनकाअनुसार मृतक अवस्थीले २२ वर्षीय प्रकाश अवस्थीसँग गत मंसिरमा मात्र विवाह गरेकी थिइन्। घटनाको अनुसन्धानका लागि मृतकका श्रीमान प्रकाशलाई पक्राउ गरिएको प्रहरी निरीक्षक शाहीले जानकारी दिए।
शव परीक्षणका लागि महाकाली अस्पतालमा राखिएको छ।
