वास्तवमा भन्ने हो भने श्रीमान्–श्रीमतीबीच हुने सानो कुराले पनि अथवा मनमुटावले पनि कहिलेकाहिं झगडाको रुप पनि लिन सक्छ ।
सानो झगडाका कारण श्रीमान्–श्रीमतीबीच बोलचाल नै बन्द पनि हुन सक्छ ।
श्रीमान्–श्रीमतीबीच झगडा पऱ्यो भने सम्झौताको पहल चाहिँ कसले गर्ने त ?
त्यसो त सबै झगडाको आकार–प्रकार भिन्दा–भिन्दै हुन्छ ।
त्यसैले कुनै एउटा विशेष शुत्रले ती विभिन्न किसिमका झगडाहरु मिलाउन पर्याप्त हुँदैन ।
आज हामीले त्यस्ता केही जानकारीहरु प्रस्तुत गरेका छौं, जसले तपाईं मौनतालाई भंग गर्न प्रयोग गर्न सक्नु हुन्छ ।
पहिलो तरिका- मनपर्ने व्यञ्जन
यो तरिका अलि पुरानो छ, तर उपयोगी छ । मनको बाटो पेट हुँदै जान्छ भन्ने उखान त हामी सबैले सुनेका नै छौं । रिसाएका पार्टनरलाई कुराकानी गर्न पहलका लागि उसको मन पर्ने व्यञ्जन बनाउन सक्नु हुन्छ । खानामा मिसाइएको प्रेमले पार्टनरको रिसलाई शान्त बनाउन सहयोग पुर्याउँछ । तपाईंले बनाउनु भएको खाना संगै बसेर खाँदा तपाईंहरु दुबैले आफुहरुबीच झगडा भएको कुरालाई खुलेर कुरा गर्न सक्नु हुन्छ । त्यसो गर्नाले तपाईंहरुको मूड संग–संगै सम्बन्धमा मिठास पनि घोलिन्छ । तर झगडा कुनै कारणै बिना लामो समयसम्म भैरहनु हुँदैन भन्ने कुरालाई ध्यान दिनु पर्छ ।
दोस्रो तरिका- बोलिचालि शुरु
तपाईंहरु दुवैले झगडा गर्दा एक–अर्कासंग एक शब्द पनि बोल्दिन भनेर कसम खानु भएको हुन सक्छ । त्यस्तो अवस्थामा आफ्नो मनमा उत्पन्न भएका भावनाहरुलाई कागजमा उतार्नु पर्छ । यदि तपाईंलाई लेख्न गाह्रो लाग्छ भने आफ्नो फोनमा टाइप गर्नु पर्छ । यसो गर्नाले तपाईंको मूड विस्तारै–विस्तारै हल्का हुन शुरु हुन्छ, तपाईंको पार्टनरको मात्र होइन ।
तेस्रो तरिका – फोनमा कुरा गर्ने
कहिलेकाहिं आमने–सामुन्ने रहनु अथवा कुराकानी गर्नु भन्दा फोनमा कुराकानी गर्नुको मज्जा नै छुट्टै हुन्छ । यसले तपाईंहरुलाई अझ नजिक भएको महसुस गराउँछ । त्यसैले कहिलेकाहिं घरमा संगै भएको समयमा पनि फोनमा कुराकानी गर्नु आवश्यक छ ।
चौथो तरिका- सरप्राइज दिने
सरप्राइज पाउँदा हाम्रो दिमागले भिन्दै किसिमको प्रतिक्रिया जनाउँछ । जब हामी अकल्पनीय कुराहरु भएको देख्छौं, तब हाम्रो मुड परिर्वतन हुन्छ । हाम्रो दिमागले नयाँ तरिकाले सोच्न थाल्छ । पहिलाको नकारात्मकता एक झट्कामै हराउँछ । अहिलेको लकडाउनमा त बाहिर केही गर्न मिल्दैन । त्यसैले तपाईंले यसका लागि आफ्नो पार्टनरलाई घरमा नै ग्रिटिङ कार्ड बनाएर दिन सक्नु हुन्छ अथवा कोठामा आफ्नो पार्टनरको मन पर्ने गीत बजाउन सक्नु हुन्छ । तपाईंले आफ्नो पार्टनरलाई अनौठो स्र्पश दिएर पनि उसको मन जित्न सक्नु हुन्छ ।
पाँचौं तरिका- माफी माग्नु पर्छ
नियम अनुसार भन्ने हो भने त यो पहिलो तरिका नै हुनु पर्ने हो अर्थात माफी माग्नु । त्यसो त हामीमध्ये अधिकांश मानिसहरुलाई आफ्नो गल्तिको महसुस नै हुँदैन । यदि भयो भने पनि अघिल्तिरको गल्ति यति ठूलो र नराम्रो देखिन्छ कि उसंग माफी मागेर कुरालाई सिध्यानै मन लाग्दैन । तर लकडाउनको समयमा आफ्नो अहम्लाई ताल्चा लगाएर राख्नु भयो भने पार्टनरसंग झगडाको सम्भावना निकै कम हुनेछ । तपाईंको दिन पनि आरामसंग बित्ने छ ।
