कैलाली,२ चैत । कैलालीको गोदावरी नगरपालिकामा रहेको अत्तरिया चोकको मर्मत हुने भएको छ। निकै लामो समय देखी धुलाम्य बन्दै आएको अत्तरिया चोकको मर्मतका लागि टेण्डर आह्वान भएको सडक डिभिजन कार्यालय महेन्द्रनगरले जनाएको छ।
चोक मर्मतका लागि २ करोड स्टमेट गरेर टेण्डर आह्वान गरिएको सडक डिभिजन कार्यालय महेन्द्रनगरका सूचना अधिकारी इन्जिनियर लक्ष्मणदत्त जोशीले बताए। उनका अनुसार वैशाख पहिलो हप्तादेखि उक्त क्षेत्रमा काम सुरु हुने भएको छ।
चोकको मर्मतको काम चालु आर्थिक वर्ष भित्रै सम्पन हुने समेत सूचना अधिकारी जोशीले बताए। स्थानियले चोक मर्मतको लागी पटक पटक आवाज उठेपनी मर्मत हुन सकेको थिएन । केहि दिन अघि मात्रै स्थानीयहरुले बाटो निमार्ण गनुपर्ने भन्द स्थानीयद्धारा चक्काजाम समेत गरेका थिए । अत्तरिया चौक सुदूरपश्चिम प्रदेशका सबै जिल्लाको प्रवेश द्वार हो।
