धनगढी,२९ फागुन । बलात्कारीलाई कारबाहीको माग गर्दै कैलालीको गेटामा स्थानीयहरूले आन्दोलित भएका छन् । गोदावरी नगरपालिका वडा नम्बर ५ गेटाका स्थानीयहरूले १३ बर्सिया बालिका बलात्कार गरेको आरोपमा पक्राउ परेका युवक माथि कारबाही नभएको भन्दै शनिबार सडक अवरुद्ध गरेका हुन् ।
स्थानीयका अनुसार गत कार्तिक ५ गते १३ बर्षिया बालिका बलात्कार भएको खबर सार्वजनिक भएको थियो ।
बालिकाको पेटमा ४ महिनाको गर्भ समेत रहेको थियो । घटना बाहिरिए पछि पक्राउ परेका युवक माथि आवश्यक कारबाही नभएको भन्दै स्थानीयहरूले पूर्व पश्चिम राजमार्ग अन्तरगतको मोहना अत्तरिया ६ लेन सडक खण्ड गेटामा एक घण्टाका लागी अवरुद्ध पारेका हुन् ।
अहिले भने अवरुद्ध सडक सुचारु भएको छ । बालिकाले न्याय नपाए थप सङ्घर्षमा उत्रिने उनिहरुले चेतावनी समेत दिएका छन् ।
