धनगढी,२८ फागुन । धनगढीमा एक करोड बढीको लगानीमा एलिनाज लाउन्च बार एण्ड रेष्टुरेण्ट सञ्चालनमा आएको छ । घरकै शैलीमा फरकपन सहित खाना तथा नास्ताका परिकारमा भिन्न स्वाद दिने उदेश्य सहित रेष्टुरेण्ट सञ्चालनमा आएको हो ।
धनगढी उपमहानगरपालिका वडा नम्बर २ मा सञ्चालमा आएको रेष्टुरेण्ट आज एक कार्यक्रमका विच कैलाली उद्योग वाणिज्य संघका अध्यक्ष पुष्पराज कुवँरले उद्घाटन गरेका हुन ।
साउदी अरबमा ७ वर्ष काम गरिसकेका एलिनाज्का सञ्चालक प्रेमबहादुर बुढा क्षेत्रीले धनगढीवासी र यस वरपरका खानाका पारखीहरुलाई ध्यानमा राख्दै एक करोड भन्दा बढी लगानी गरेर धनगढीमा रेष्टुरेन्ट खोलिएको जानकारी दिए ।
थकाली खाना, मट्का विरायनी, फायर पिज्जा लाई विशेष प्राथमिकतामा राखेर सञ्चालन हुन लागेको रेष्टुरेन्टमा सबै प्रकारका खानाका पारखीहरुका लागि (मल्टी क्विजन) फेमिली रेष्टुरेन्ट सञ्चालन हुने थापाले बताए ।
