नेकपा माओवादी केन्द्रका अध्यक्ष पुष्पकमल दाहालले कांग्रेस सभापति शेरबहादुर देउवालाई मंगलबार बूढानीलकण्ठ पुगेर भेटवार्ता गरेका छन् ।
अपरान्ह ४ बजे देउवा निवास पुगेका दाहालले पछिल्लो राजनीतिक घटनाक्रम, सत्ता साझेदारी र सम्भावित घटनाक्रमबारे छलफल भएको देउवाका स्वकीय सचिव भानु देउवाले जानकारी दिए । उनका अनुसार देउवा र दाहालबीच करिब आधा घन्टा ‘वान टू वान वार्ता’ पनि भएको छ ।
सर्वोच्च अदालतले पूर्ववत पार्टी ब्युँत्याइदिएपछि मंगलबार बसेको माओवादी केन्द्रको स्थायी कमिटी बैठकले नयाँ सरकार गठनका लागि प्रमुख प्रतिपक्षी दल कांग्रेस र जसपासँग वार्ता अगाडि बढाउने निर्णय गरेको थियो ।
पार्टीको निर्णय लगत्तै दाहाल देउवालाई भेट्न उनको निवास बुढानीलकण्ठ पुगेका थिए ।
