कञ्चनपुरः कञ्चनपुरमा लागुऔषधसहित एक जना पक्राउ परेका छन्।
जिल्लाको बेलडाँडी गाँउपालिका वडा नम्बर १ का प्रकाशबहादुर देउवा १ सय ३० मिलिग्राम खैरो हिरोइन जस्तो देखिने लागुओषधसहित बुधबार पक्राउ परेको जिल्ला प्रहरी कार्यालय कञ्चनपुरले जनाएको छ।
प्रदेश २ ०३००८ प ९४३८ नम्बरको मोटरसाइकलमा चौवन्नी बजारबाट दैजीतर्फ जाँदै गरेका उनलाई बेलडाँडी गाँउपालिका २ क्याम्पमा जाँच गर्ने क्रममा लागुऔषधसहित नियन्त्रणमा लिएको कञ्चनपुर प्रहरी प्रवक्ता, प्रहरी नायव उपरीक्षक अमरबहादुर थापा क्षेत्रीले बताए।
उनीविरूद्ध थप अनुसन्धान भएरहेको प्रहरीले जनाएको छ।
