डोटी । डोटीमा एक विवाहित युवती मृत अवस्थामा फेला परेकी छन्। जिल्लाको दिपायल सिलगढी नगरपालिका वडा नम्बर २ पुनेपाटाकी अन्दाजी ३० वर्षीया मिना आउजी घरभित्र मृत अवस्थामा फेला परेको प्रहरीले जनाएको छ।
जिल्ला प्रहरी कार्यालयका प्रमुख प्रहरी उपरीक्षक दानबहादुर मल्लले बिहीबार राति छाति दुःखेको भन्दै सुतेकी आउजी बिहान मृत अवस्थामा फेला परेको बताए। उनकाअनुसार माइती पक्षले विगतमा श्रीमानश्रीमतीबीच वादविवाद भइरहने भएकाले हत्याको आशंका गरेका छन्।
सोही आधारमा सोधपुछका लागि उनका श्रीमान प्रकाश नागरिलाइ नियन्त्रणमा लिइएको बताए। मृतकको शव परीक्षणका लागि जिल्ला अस्पताल डोटीमा राखिएका छ।
