पुन: गठनपछि प्रेस सङ्गठन नेपालको पहिलो प्रदेश भेलाका रुपमा सुदूरपश्चिम प्रदेशको भेला धनगढीमा सुरु भएको छ।
उक्त भेलाको उद्योग, वाणिज्य तथा आपूर्तिमन्त्री एवं नेपाल कम्युनिष्ट पार्टी (नेकपा) का प्रदेश इञ्चार्ज लेखराज भट्टले उद्घाटन गरेका छन् । प्रदेशका नौ वटै जिल्लाबाट सङ्गठनमा आवद्ध अगुवा तथा सञ्चारकर्मी भेलामा उपस्थिति भएका छन्।
काठमाडौँमा यही माघ ८ गते सम्पन्न सो सङ्गठनको राष्ट्रिय भेलाले सङ्गठनको संयोजकमा गणेश बस्नेतलाई चयन गरेपछि प्रदेश र जिल्लास्तरमा गतिविधि हुन थालेका छन्।
