डोटी, २९ पुस । सेती नदीमा अटो रिक्सा खस्दा एकजनको मृत्यु भएको छ भने ४ जना घाइते भएका छन् ।
मंगलबार दिउँसो डोटीको केआईसिंह राजमार्गको बान्डुरीसैनबाट दिपायलतर्फ जादै गरेको STSTC 2-02-001SAHA5402 नम्बरको अटो सडकबाट झण्डै ७० फिट तल सेती नदीमा खस्दा शिखर नगरपालिका–२ बस्ने ५५ वर्षीय पदम जोराको घटनास्थलमै मृत्यु भएको प्रहरीले जनाएको छ।
दुर्घटनामा परि चालकसहितका अटोमा सवार ४ जना घाइते भएको सुदूरपश्चिम प्रदेश ट्राफिक प्रहरी कार्यालय अत्तरियाले जनाएको छ ।
घाइते हुनेमा चालक जीतबहादुर जोरा, दीपक जोरा, नरेश पार्की, र अर्जुन पार्की रहेको ट्राफिक प्रहरीले जनाएको छ। उनीहरुको स्थानीय अस्पतालमा उपचार भइरहेको छ।
