कैलाली- कैलालीको गोदावरी नगरपालिकाका ७२ जना स्थानिय नेता कार्यकर्ता नेकपामा प्रबेश गरेका छन । गोदावरी नगरपालिकाका बिभिन्न वडा का अन्य पार्टीका केही नेता कार्यकर्ता र स्थानियहरुले नेकपाको सदस्यता लिएका हुन । नेकपा गोदावरी नगरकमिटीका सचिब आनन्द भट्टले ७२ जना ले आज कार्यक्रममा सहभागीता जनाएर पार्टी प्रबेश गरेको बताए ।
उनका अनुसार झण्डै २७६ को हाराहारीमा पार्टी प्रबेश गर्नेको नामावली प्राप्त भएको भएपनी कोरोनाको कारण सबैले सहभागीता जनाउन नसकेको हो । पार्टी प्रबेश गर्नेहरुलाई नेकपा स्थायी कमिटी सदस्य एवं उद्योग वाणिज्य तथा आपूर्ति मन्त्री लेखराज भट्टले आफ्नै निवासमा टिका लगाई पार्टीमा प्रबेश गराएका हुन् ।
