धनगढी, ६ कार्तिक । सेती प्रादेशिक अस्पतालको प्रयोगशालामा गरिएको परिक्षणमा आज थप ५३ जनामा कोरोना भाइरस पुष्टि भएको छ ।
सेती प्रादेशिक अस्पतालको प्रयोगशालामा पछिल्लो २४ घन्टामा ३३३ जनाको नमुना परिक्षणमा थप ५३ जनामा संक्रमण पुष्टि भएको हो ।
सेती प्रादेशिक अस्पतालका सूचना अधिकारी दिलिपकुमार श्रेष्ठका अनुसार धनगढीका २६ जना,
कैलालीको टिकापुरका १५ जना, चुरे, गौरीगंगाका एक/एक जना, गोदावरीका २ जना र कैलालीको स्थानीय तह नखुलेका २ जनामा कोरोना पुष्टी भएको हो ।
कञ्चनपुरको शुक्लाफाँटा र बेलौरीका एक/एक जना र भिमदत्त र पुर्नवासका २/२ जनामा पनि संक्रमण पुष्टी भएको अस्पतालले जनाएको छ ।
