कञ्चनपुर- कञ्चनपुरमा २ जना मृत भेटिएका छन् । छुट्टा छुट्टै स्थानमा उनिहरु झुण्डिएको अवस्थामा मृत भेटिएको जिल्ला प्रहरी कार्यालयका प्रवक्ता प्रहरी नायब उपरिक्षक अमर थापाले बताए ।
जिल्लाको कृष्णपुर नगरपालिका र महाकाली नगरपालिकामा २ जना मृत भेटिएको प्रहरीले जनाएको छ । प्रबक्ता थापाका अनुसार कृष्णपुर नगरपालिका वडा नम्बर ७ का ३५ वर्षीय रमेश राना र महाकाली नगरपालिका वडा नम्बर १ को पशुपति टोलकी ३५ वर्षकै तुलसीदेवी सुनार मृत भेटिएका हुन ।
रानाको शव परीक्षणका लागि सेती प्रादेशिक अस्पताल धनगढीमा राखिएको छ भने सुनारको शव परीक्षणपछि आफन्तले बुझेका छन् । घटनाको अनुसन्धान भईरहेको प्रहरीले जानकारी दिएको छ ।
