धनगढी : सुदूरपश्चिमकी कोरोना संक्रमित सुत्केरी महिलाको मृत्यु भएको छ।
कञ्चनपुरको भीमदत्त नगरपालिका वडा नम्बर १ की २९ वर्षीया संक्रमित सुत्केरी महिलाको नेपालगञ्ज मेडिकल कलेजमा उपचारका क्रममा मृत्यु भएको हो। उनको आज बिहान साढे ४ बजे मृत्यु भएको मेडिकल कलेजले जनाएको छ।
ती महिलाले सेती प्रादेशिक अस्पतालमा जुम्ल्या बच्चा एक छोरा र एक छोरीलाई जन्म दिएकी थिइन्।
गर्भवती भएदेखि उनमा रक्तश्रावको समस्या थियो भने सुत्केरी भएपछि उच्च रक्तश्राव भएको थियो। असोज १४ गते ती महिलामा कोरोना पुष्टि भएको थियो।
