कैलाली- कैलालीको सेती प्रादेशिक अस्पतालको आइसोलेसनमा उपचाररत एक कोरोना संक्रमितको मृत्यु भएको छ।
धनगढी उपमहानगरपालिका– ५ की ५७ वर्षीया महिलाको बुधवार बेलुका मृत्यु भएको सेती प्रादेशिक अस्पतालका सूचना अधिकारी दिलिप कुमार श्रेष्ठले पुष्टि गरे। मृतक संक्रमितमा कोरोनाको कडा लक्षण देखिएको थियो।
भाद्र १७ गते कोरोना पुष्टि भएकी ती संक्रमितको स्वास्थ्यमा गम्भीर समस्या आएपछि भाद्र १९ गतेदेखि सेती प्रादेशिक अस्पतालको भेन्टिलेटरमा राखेर उपचार भइरहेको थियो।
