शुक्लाफाँटाः कञ्चनपुरमा खोलामा फसेका किशोरको उद्दार गरिएको छ।
जिल्लाको शुक्लाफाँटा नगरपालिका वडा नम्बर १२ को मछली खोलामा माछा मार्न भन्दै गएका स्थानीय १४ वर्षीय किशोरको उद्दार गरिएको प्रहरीले जनाएको छ।
जिल्ला प्रहरी कार्यालयका प्रवक्ता प्रहरी नायब उपरिक्षक अमरबहादुर थापाले स्थानीय धनबहादुर रानाका १४ वर्षीय छोरा अनिलको उद्दार गरिएको बताए।
उनका अनुसार आज बिहान खोलामा माछा मार्न भनी गएका अनिल पानीको सतह बढेपछि फसेका थिए। किशोर खोलामा फसेको खबर पाउँने बितिकै खटिएको प्रहरी टोलीले उनको उद्दार गरेको हो।
