डडेल्धुराः भागेश्वर गाउँपालिका घर भई हाल डडेल्धुरा जिल्ला सदरमुकाम बस्दै आएकी सरिता गिरी (गिरी सानी) ले आत्महत्या गरेको खुलेकोछ ।
आत्महत्या अघि उनले सामाजिक सञ्जाल फेसबुकमा जिल्ला प्रहरी कार्यालय डडेल्धुरामा कार्यरत एक प्रहरीको फोटो तथा भिडियोसहित सुसाइड नोट लेखेकी थिइन्। नोटमा उल्लेख गरिएका व्यक्ति जिल्ला प्रहरी कार्यालय डडेल्धुरामा कार्यरत ड्राइभर यज्ञ साउद रहेको बताइएकोछ। मृतक गिरीले आफूलाई लामो समयदेखि मानसिक रूपमा दबाब दिइएको उल्लेख गरेकी छन्।
गिरीले आत्महत्या गर्नु अघि आफ्नो फेसबुक पोष्टमा लेखेकि छिनः , ‘मसँग भएको पैसा सबै लगिस, आफ्नो घर बनाइस। मैले दिएको त्यहीँ पन्ध्र लाख रुपैयाँ मेरो छोरालाई दिनु। कसैले पढाइ देलान्। आमा भएर जन्म दिएँ तर तिमीलाई हुर्काउन सकेन, छोरा माफ गरिदिनु। तिमीले लगेको सुन पनि मेरो छोरालाई दिनु।’
मृतक गिरीका श्रीमान विगत १५ बर्ष देखि बैदेशिक रोजगारीमा रहेका छन् । गिरीले आफ्नै घरमा अत्महत्या गरेकी थिईन् ।
यस बिषयमा जिल्ला प्रहरी कार्यालयले परिवारजन आएपछि कानुनी प्रकिृया अगाडि बढाईने बताएकोछ ।
