काठमाडौँ महानगरपालिका–१४ सोल्टीमोडबाट बिल नभएका विभिन्न समानसहित दुई जनालाई प्रहरीले पक्राउ गरेको छ। पक्राउ पर्नेमा भारत राजस्थान लक्ष्मणगढ घर भई काठमाडौँ ओमबहाल बस्ने ३६ वर्षीय राकेशकुमार र भारत राजस्थान सिमर घर भएका ५२ वर्षीय वनवारी चौधरी रहेको महानगरीय प्रहरी वृत्त कालिमाटीले जनाएको छ।
उनीहरूको साथबाट ११२ थान मोबाइल, ३२० पिस विभिन्न मोबाइल डिसप्ले, ५९३ थान विभिन्न ब्राण्डका ब्याट्री, १९ हजार ५०० थान घडीको ब्याट्री, छ हजार थान क्यालकुलेटर र पाँच थान मोबाइल डिसप्ले बोर्ड बरामद गरिएको प्रहरी प्रधान कार्यालयले जनाएको छ। उक्त घटनाको विषयमा प्रहरीले अनुसन्धान गरिरहेको छ।
