डडेल्धुराः डडेल्धुरा जन्म घर भएका शेरबहादुर देउवाले आफ्नो घर पुरानै शेलीमा २२ बर्षपछि निमार्ण गर्ने भएका छन् । नेपाली कांग्रेसका सभापति एवम् पूर्व प्रधानमन्त्री शेरबहादुर देउवाले आफ्नो भत्किएको जन्मघर भएको स्थानमा नयाँ घर बनाउन लागेका छन् । उनले पूरानै शैलीमा घर निर्माण गराउन लागेको देउवाका भतिजा तथा सुदूरपश्चिम प्रदेशका भौतिक पूर्वाधार विकास मन्त्री प्रकाशबहादुर देउवाले जानकारी दिए ।
.jpg)
पूर्व प्रधानमन्त्री परिवार स्वयम्को लगानी रहने उक्त घर चार कोठाको दुई तले बन्ने देउवाले बताए । डडेल्धुराको गन्यापधुरा गाउपालिका–१ रुवाखोला क्षेत्रको मटेला गाउँको एक घरमा देउवाको जन्म २००३ जेठ ३१ गते भएको थियो । देउवाको जन्मघर अहिले भत्किएको अवस्थामा छ।
२०५८ वैशाख ४ गते देउवाका दाजुभाइलाई तत्कालीन विद्रोही माओवादीले घरबाट निकालेका थिए । भने, ८ गते घरमा आगजनी गरेका थिए । त्यसयता सामान्य मर्मत नगर्दा घरको भग्नावशेष मात्र बाँकी छ ।
