डडेल्धुराः डडेल्धुरामा रहेको डडेल्धुरा बहुमुखी क्याम्पसको बार्षिक उत्सवमा एकाएक मञ्च ढलेको थियो । कार्यक्रममा सुदूरपश्चिम प्रदेश सरकारका मुख्यमन्त्री कमलबहादुर शाह प्रमुख अतिथि रहेका थिए । कार्यक्रमको मञ्च अचानक ढलेपछि अतिथिहरूको भागाभाग भएको हो।
स्टेजमा मुख्यमन्त्री शाहसँगै माओवादी केन्द्र सुदूरपश्चिम प्रदेशका संसदीय दलका नेता खगराज भट्ट, प्रदेशसभा सरस्वती खड्का, डडेल्धुराका प्रमुख जिल्ला अधिकारी विश्वराज न्यौपाने, सुरक्षा निकायका प्रमुख, जिल्लास्थित राजनीतिक दलका प्रमुख लगायत रहेका थिए।
मञ्च भत्किएर चोट भने कसैलाई पनि लागेको छैन। मञ्च भत्किएपछि केही समय कार्यक्रम स्थगित भएको थियो।
