दोस्रो स्थानमा चित्त बुझायो सरस्वती मा.वि. बगरकोटले
दिपकराज भट्ट(डडेल्धुरा)ः डडेल्धुराको भागेश्वर गाउँपालिकामा भएको १३ औं राष्ट्रपति रनिङ शिल्ड प्रतियोगिताको उपाधि सरस्वती मा.वि बोगटाले जितेको छ। मंगलबार सम्पन्न गाउँपालिकास्तरीय राष्ट्रपति रनिङ शिल्डमा प्रथम स्थान हासिल गर्दै सरस्वती माविले शिल्डमाथि कब्जा जमाएको हो। सरस्वती मा.विले १३ स्वर्ण ,६ रजत र १ कास्य सहित जम्मा २० पदक जित्दै प्रथम स्थान हासिल गरेको हो ।
गाउँपालिका अध्यक्ष हेकराज चटौट र प्रमुख प्रशासकीय अधिकृत खगेन्द्र भारतीले ले संयुक्तरूपमा विद्यालयलाई शिल्ड हस्तान्त्ररण गरेका हुन ् ।
प्रतियोगितामा सरस्वती मा.वि. लाकम बगरकोट डडेल्धुरा द्धितीय भएको छ। यसले ११ स्वर्ण, ८ रजत र ६ कास्य सहित जम्मा २५ पदक पाएको थियो । यस्तै तृतीय स्थानमा रहेको असिग्रमा मा.वि रुपालले स्वर्ण ४, रजत ४ रकास्य ७ गरि जम्म १५ पदक हासिल गरेका थियो ।
आइतबारबाट सुरु भएको प्रतियोगितामा भागेश्वरका ८ वटा विद्यालयको सहभागिता रहेको थियो। प्रतियोगितामा दौड,भलिवल, हाइजम्प, सटफुट, कबड्डि लम्जम्प लगायतका खेलहरू खेलाइएको थियो। प्रतियोगिताका खेल भागेश्वर गाउपालिकाको वडा नम्वर २ मा रहेको असिग्राम मा.वि को मैदानमा खेलाईएको थियो ।
