सिरहा ः सिरहामा सशस्त्र प्रहरीका एक जवान रुखमा झुण्डिएको अवस्थामा भेटिएका छन् । जिल्लाको सिरहा नगरपालिका–२१ लगडीगोठस्थित बिओपीमा कार्यरत उदयपुरको ताप्ली गाउँपालिका–३ का २६ वर्षीय गिरिजानारायण श्रेष्ठको शव फेला परेको सशस्त्र प्रहरी बल ७ नम्बर गण हेडक्वाटर प्रमुख एसपी रमेश थापाले जानकारी दिए ।
घटनाबारे पुष्टि गर्दै थापाले नेपाल प्रहरीलाई अनुसन्धानको जिम्मा लगाइसकेको बताए । जिल्ला प्रहरी कार्यालय सिरहाका सूचना अधिकारी डीएसपी सुवास बुढाथोकीका अनुसार घटनाको प्रकृति मुचुल्का उठाउने कार्य भइरहेको छ । उनले शुक्रबार विहान ६ः२५ बजेको समयमा घटना भएको र घटनाको अनुसन्धानमा प्रहरी खटिसकेको बताइएको छ ।
