डडेल्धुराः सात स्थानिय तह रहेको डडेल्धुराका ग्रामिण सडकहरु अफै पुर्ण रुपमा खुल्न सकेका छैनन् ।
वर्षाका कारण अवरुद्ध जिल्लाका स्थानीय पालिकाले सडक खुलाउनुका लागि प्रयास जारी राखेका छन्। केहि सुगमका सडकहरु सुचारु भएता पनि अधिकान्स सडकहरु भने सुचारु गर्न कठिन भएको छ स्थानिय निकाय लाई ।
विकासको मुख्य ऐजेन्डा बोकेर वातावरण प्रभाव मुल्याङकन नै नगरि बनाईका सडकको अहिले बेहाल बनेको छ ।
स्थानिय सरकाले आफनै जेसिवि खरिद गरेर सडक लाई भने प्रथमिकतामा राखेको थियो ।
भागेश्वर, आलिताल,गन्यापधुरा, अजयमेरू, नवदुर्गा, गाउँपालिका ,अमरगढी र परशुराम नगरपालिकाका ग्रामीण सडक अवरुद्ध छन्। अवरुद्ध सडक केही मुख्य सडक भने सुचारु भएको पालिकाले जनकारी गराएका छन्।
रुवाखोला–रेल, धन्ढुङ्गा– बडाल, जनगलस्पा– कैलपालमाडौं र कोराल–मोइरेल सडकमा एकै साथ पाच डोजर प्रयोग गरिएको र भोली सम्म वडा जोडवने सडक पुर्ण रुपमा सुचारु हुने गन्यापधुरा गाउँपालिका अध्यक्ष नवलबहादुर मल्लले जानकारी दिए।
अजयमेरू गाउँपालिकाले उग्रतारा–मेलौली, भल्कुडा– चिपुर , ढिमौला–भद्रपुर र बगरकोट–सेरागाँड–देवल सडक सुचारु गर्न काम सुरवात गरिसकिएको जनाएको छ। गाउँपालिका अध्यक्ष उमेशप्रसाद भट्टले वर्षाका कारण अवरुद्ध ग्रामीण सडक खुलाउन उच्च प्राथमिकता दिएको बताए। नवदुर्गा, र आलितालले गाउँपालिकाले अवरुद्ध सडक सुचारु गरिरहेको जनाएका छन्।
भागेश्वर गाउँपालिकाले अवरुद्ध सडक सुचारु गर्नका लागि वडा नम्बर ३ बोगटा र वडा नम्बर १,२,५ मा डोजर खटाएको छ जसमा वडा नम्बर ३ को कार्यालय बोगटा सम्म सडक सुचारु भईसकेको छ भने १,२ को रुपाल सडक खण्डको खुल्ली खेतमा ठुलो पहिरो गएकाले बाटो खुल्नु अझै तीन दिन सम्म लाग्नु सक्ने भागेश्वर गाउपालिकाका नायब सुब्बा मात्रिका प्रसाद भट्टले जानकारी दिनुभयो । भट्टका अनुसार आज गाउपालिकाको प्राविधिक टोलि सम्बन्धित क्षेत्रमा पुगेको छ र उता रुपाल बाट बगरकोट जोडने मार्गको ३ किलोमिटर बाटो सफाई काम भईसकेको छ । गाउपालिकाका सडक खुलाउनुका लागि ३ जेसिवि र १ स्काभेटर प्रयोग गरिएको छ ।
प्रमुख जिल्ला अधिकारी मोहनराज जोशीले बाढीपहिरोका कारण अवरुद्ध सडक खुलाउन तथा राहत वितरणमा पालिकालाई आग्रह गरिएको बताए।
अवरुद्ध सडकका कारण स्थानियलाई पालिका सदरमुकाम सम्म पुग्ने असहज भएको छ भने बिरामीहरु लाई झनै सम्स्या परेको छ ।
