कैलालीको अत्तरिया चोकमा मर्मतको काम सुरु भएको छ। वर्षातमा हिलाम्मे र सुख्खामा धुलाम्मे हुँदै आएको चोकको मर्मतको काम सुरु भएको हो । सडक डिभिजन कार्यालय महेन्द्रनगरमार्फत सडक मर्मतको काम थालिएको हो।
वैशाख पहिलो सातादेखि मर्मतको काम सुरु हुने बताइएकोमा निषेधाज्ञाका कारण ढिलो भएको हो।भुवन निर्माण सेवाले ९० लाखमा सडक निर्माणको काम सुरु गरेको डिभिजन कार्यालयका सूचना अधिकारी तथा इन्जिनियर लक्ष्मणदत्त जोशीले बताए।
उनले चोकमा कालोपत्रे गरिँदा ६ लेन सडक कै लेवल मिलाइने बताए । कालोपत्रेका लागि अलकत्रा प्लान्टबाट नै तयारी अवस्थामा आउने भएकाले धेरै समय नलाग्ने र मौसमले साथ दिएमा काम असार मसान्त भित्रमै सकिने उनको भनाई छ ।
