धनगढी,२० बैशाख । गेटा मेडिकल कलेजको उद्योग वाणिज्य तथा आपूर्ति मन्त्री लेखराज भट्टले निरीक्षण गरेका छन् ।
निर्माण सम्पन्न भएको मुख्य भवनलाई आईसोलेसन बनाउन जिल्ला कोभिड संकट व्यवस्थापन केन्द्र कैलालीलाई निर्देशन दिएसगै सोमबार भट्ट सहितको टोलीले निरीक्षण गरेको हो ।
सुदूरपश्चिम प्रदेशमा कोरोना संक्रमणदर बढ्र्दै गएपछि यहाँ अस्पतालहरु भरिभराउ हुन पुगेका छन् । त्यस लगत्तै यहाँका नागरिकलाई उपचारमा सहज गर्ने उदेश्यले सञ्चालनमा आउन लागेको हो ।
उद्योग वाणिज्य तथा आपूर्ति मन्त्री भट्टको पहलमा केहि दिन अघि शिक्षा मन्त्रालयले गेटा मेडिकललाई आईसोलेसन सञ्चालनका लागि अनुमती दिने निर्णय गरेको थियो ।
सीसीएमसीको निर्देशन अनुसार जिल्ला कोभिड संकट व्यवस्थापन केन्द्र को मातहतमा रहने गरी सञ्चालन गरिने आईसोलेसनको स्थापना र व्यवस्थापनमा नेपाली सेना परिचालन गरिनेछ ।
