विश्वव्यापी रुपमा फैलिएको कोरोना भाइरस संक्रमणको जोखिम दिनप्रतिदिन बढ्दै गएपछि जिल्ला प्रशासन कार्यालय कञ्चनपुरले आशिंक रुपमा निषेधाज्ञा जारी गरेको छ ।जिल्ला कोभिड – १९ संकट व्यवस्थापन केन्द्रको बैठकले विभिन्न क्षेत्रमा रोक लगाएको र जिल्ला प्रशासन कार्यालय कञ्चनपुरका निमित्त प्रमुख जिल्ला अधिकारी अशोक कुमार भण्डारीका अनुसार हस्ताक्षर पत्रमा भिमदत्त नगरपालिकाका सम्पूर्ण विद्यालय बन्द गरिएको र अरु स्थानीय तहलाई संक्रमणको अवस्था ख्याल गरि आवश्यक व्यवस्था गर्ने समेत जनाएको छ ।
यस्तै सिनेमा हल, पार्टी प्यालेस, डान्स बार, दोहोरी, नाचघर, क्लव, हेल्थक्लव, जिमखाना, स्वीमिङ फुल, हाटबजार, फुटसल बन्द गर्न आदेश दिइएको निमित्त प्रमुख जिल्ला अधिकारी भण्डारीले बताए । उनका अनुसार सभा, सम्मेलन र जुलुस गर्न बैशाख मसान्तसम्म रोक लगाइएको छ । मठ, मन्दीर, गुम्बा, चर्च लगायतका धार्मिक स्थलमा जनस्वास्थ्यको मापदण्ड पूरा गरी नित्य पूजा, ध्यान र प्राथना मात्रै गर्न पाइने भएको छ ।
यस्तै सरकारी कार्यालय, बैंक तथा वित्तिय सस्था, सहकारी लगायतका संघसस्था विद्युतीय माध्यमबाट सञ्चाल न गर्ने र सम्भव नभए जनस्वास्थ्यको मापदण्ड पूरा गरी सञ्चालन गर्न निर्देशन दिइएको छ । आदेशको अवज्ञा गरे संक्रामक रोग २०२० अनुसार कारवाही हुने आदेशमा भनिएको छ । यता कोरोना भाइरस संक्रमणको जोखिम बढ्दै गएपछि कैलालीमा स्थानीय प्रशासनले समेत आशिंक रुपमा निषेधाज्ञा जारी गरिसकेको छ । कञ्चनपुरमा आज मात्रै जिल्लाको तथ्यांकअनुसार २३ जनामा संक्रमण देखिएको जनस्वास्थ्य कार्यालय कञ्चनपुरले जानकारी दिएको छ । प्रशासनको आदेश यस्तो रहेको छ।
