स्वर्ण जयन्तीका अबसरमा प्रभात फेरिको आयोजना

धनगढी, २६ फागुन । नेपाल रेडक्रस सोसाइटी धनगढीले ५० औं स्वर्ण जयन्तीका अबसरमा प्रभात फेरिको आयोजना गरेको छ ।

शाखाले स्थापना दिवसको अवसरमा आज स्वर्ण जयन्तीको अबसरमा प्रभात फेरिको आयोजना गरेको हो ।

५० औं स्वर्ण जयन्तीको अवसरमा रेडक्रसका जन्मदाता जँ हेनरी ड्युनाको अर्धकदको शालिकको अनावरण गरिने नेपाल रेडक्रस सोसाइटी धनगढीका मन्त्री लोकराज जोशीले बताए । 

उनले सम्मानको कार्यक्रम समेत रहेको बताए । नेपाल रेडक्रस सोसाइटी २०२० देखि नै विभिन्न मानवीय सेवामूलक कार्यहरु सञ्चालन गर्दै आइरहेको छ ।

नेपाल रेडक्रसको स्थापना भएको करिब ७ वर्षपछि कैलालीमा २०२७ फागुन २६ गते शाखाको स्थापना भएको हो ।

खबरदारी न्युज