धनगढी ३ फागुन । सुदूरपश्चिम प्रदेशका सामाजिक विकास मन्त्री कृष्णराज सुबेदीले वैदेशिक रोजगारीमा जानेहरूको समस्या समाधानका लागि ठोस नीति बन्नुपर्ने बताएका छन्।
धनगढीमा सोमबार जनचेतना तथा युवा जागरण मञ्च फाया नेपालद्वारा आयोजित वैदेशिक रोजगारीका चुनौती तथा सरोकारवालाहरूको भूमिका विषयक अन्तर्क्रिया कार्यक्रममा उनले यस्तो बताएका हुन् । सुदूरपश्चिमका कति जनसंख्या भारत तथा तेस्रो मुलुकमा छन् भन्ने तथ्याङ्कसमेत नरहेको दुखेसो गर्दै, आउने जनगणनामा सोको तथ्याङ्कसमेत आउने गरि कार्यविधि बनाउन आग्रह गरे।
