गोकर्ण पाण्डे/गुल्मी- प्रमुख प्रतिपक्षी नेपाली कांग्रेसले सोमबार देशभर सरकारविरुद्ध प्रदर्शन गरेको छ । सरकार भ्रष्ट्राचार, कुशासन र अधिनायकवादतर्फ उन्मुख भएको भन्दै कांग्रेसले देशव्यापी विरोध प्रदर्शन गरेको हो। गुल्मीमा पनि प्रदर्शन भएको छ ।
सदरमुकाम तम्घासस्थित पार्टी कार्यालयबाट शुरु भएको विरोध प्रदर्शन क्याम्पसरोड,भिमचोक,पुतलीबजार,मिलनचोक,फिल्महल,पुरानो बजार,बसपार्क,पुरानो बैंक रोड हुदै सहिद चोकमा पुगेर सभामा परिणत भएको थियो ।
सभालाई नेपाली कांग्रेसका केन्द्रीय सदस्य जीवन परियार जिल्ला सभापति भुवनप्रसाद श्रेष्ठले सम्बोधन गर्नुभएको थियो। सम्बोधन मा बोल्दै नेपाली काग्रेसका केन्द्रीय सदस्य जीवन परियारले नेपाल कम्युनिस्ट पार्टी (नेकपा) नेतृत्वको सरकारको आन्तरिक किचलो र असफल नेतृत्वका कारण आन्दोलन गर्न वाध्य वनाएको वताए ।
परियारले कोरोना नियन्त्रमा सरकार असफल भएको भन्दै नेकपा नेतृत्वको सरमार भ्रष्टचारमा डुवेको आरोप लगाए ।
