काठमाडौं – नेपाली समय अनुसार सोमबार साँझ करिब १० मिनेटमा लागि विश्वरभरी नै गुगलका एप, युट्युब, जिमेल आदि एपमा समस्या आएको छ ।
सोमबार साँझ जिमेल, गुगल ड्राइभ, गुगल शिट र युट्युबमा समस्या आएको समाचार एजेन्सीहरुले जनाएका छन् ।
वेबसाइटमा समस्या आउँदा ट्रयाक गर्ने वेबसाइट डाउनडिटेक्टरमा हजारौं मानिसहरूले समस्या आएको जानकारी गराएका थिए ।
विशेषगरी युरोप, अस्ट्रेलिया, अमेरिका, अफ्रिका, दक्षिण अफ्रिका, एसियाका राष्ट्रमा यो समस्या देखिएको थियो ।
अहिले उक्त समस्या समाधान भइसकेको छ ।
डाउनडिटेक्टरमा युट्युब डाउन भएकोबारे साँझ सम्म १ लाख २७ हजार बढीले रिपोर्ट गरेका छन् ।
त्यस्तै, ३१ हजार जिमेल र गुगलको मुख्य वेबसाइटबारे २१ हजार बढी रिपोर्ट गरेका छन् ।
