काठमाडौँ, २६ असोज । गत २४ घण्टामा कोभिड-१९ सँग सम्बन्धित कारणबाट ९ जनाले ज्यान गुमाएका छन्। यससँगै नेपालमा कोभिड-१९ बाट मृत्यु हुनेको सङ्ख्या ६४५ पुगेको छ।
स्वास्थ्य तथा जनसङ्ख्या मन्त्रालयद्वारा सोमबार दिइएको कोभिड-१९ राष्ट्रिय अद्यावधिक विवरणअनुसार गत २४ घण्टामा सङ्क्रमण भई निधन हुनेमा २ महिला र ७ पुरुष रहेका छन्।
मृत्यु हुनेमा काठमाडौँकी ७१ वर्षीया र चितवनकी ४० वर्षीया महिला रहेका छन्।
त्यस्तै, कोराना सङ्क्रमण भई ज्यान गुमाउने पुरुषहरूमा सुनसरीका ३७, ८९ र ९० वर्षीय, काठमाडौँका ६३ र ६७ वर्षीय, ललितपुरका ५० वर्षीय तथा रुपन्देहीका ७४ वर्षीय रहेका छन्।
कोभिड-१९ सङ्क्रमित मध्येबाट मृत्यु हुने ०.५८ प्रतिशत रहेको जनाइएको छ।
