बैतडी । बैतडीमा बिहिबार २ जनाले आत्महत्या गरेका छन् । बिहान ७ बजे जिल्लाको मेलौली नगरपालिका ७ पचकोराका ४५ बर्षिय करनसिंह रावतले आत्महत्या गरेको पाइएको छ भने, बिहान ९बजे दशरथचन्द नगरपालिका ३ का बसन्ती नाथले आत्महत्या गरेका छन् ।
मेलौली ७ पचकोरोका स्थानिय रावतले घर नजिकै रहेको आपँको रुखमा झुण्डिए आत्महत्या गरेको अवस्थामा शब फेला परेको जिल्ला प्रहरी कार्यालय बैतडीले जनाएको छ ।
बिहानै वडाअध्यक्ष राजेन्द्र कार्कीले प्रहरीलाई जानकारी गराएकोमा प्रहरी तत्काल त्यहाँ पुग्दा प्लाष्टिकको डोरीमा झुण्डिएको अवस्थामा शब भेटिएको प्रहरी सहायक निरिक्षक जयलाल ऐरले बताए ।
यस्तै जिल्लाको दशरथचन्द नगरपालिका वडा न. ३ की स्थानिय बसन्ती नाथले घरबाट करिव १ किलोमिटरको दुरीमा रहेको सेरी जंगलमा भिमलको रुखमा झुण्डिएकी थिइन् उनको दोपट्टाले पासो लगाएको अवस्थामा शब भेटिएको प्रहरी निरिक्षक करबिर भण्डारीले बताए ।
यी दुबै घटनाको बिषयमा थप अनुसन्धान जारी रहेको जिल्ला प्रहरी कार्यालय बैतडीका प्रमुख प्रहरी नायव उपरिक्षक नारायणप्रशाद आधिकारीले बताए । यी दुवै शबको पोष्टमार्टम गरिएको प्रहरीले जनाएको छ ।
भट्ट हाल खबरदारी न्युज साप्ताहिक पत्रिकाका सम्पादक हुन् ।
उनले यस अघि हिलटाईम्स, हिमालयटाईम्स र पश्चिम टुडे दैनिकमा काम गरिसकेका छन् भने हाल मध्यान्ह दैनिक र सेभेन स्टार फोर के टिभिमा कार्यरत रहेका छन् ।
बिशेष गरि पर्यटन, सामाजिक कुरुती बिरुद्ध र तथा कृषि सम्बन्धि समाचार लेख्ने गर्छन् ।