डडेल्धुरा(दिपकराज भट्ट)- डडेल्धुरामा पनि लैङ्गिक हिंसा बिरुद्धको १६ दिने अभियान विभिन्न कार्यक्रम गरी मनाईदैछ । ‘हामी सबैको प्रतिवद्धता, लैङ्गिक हिंसा अन्त्यको एक्यबद्धता’ भन्ने मुल नाराका साथ जिल्लाको ७ वटै स्थानीय तहले भव्यताका साथ लैङ्गिक हिंसा बिरुद्धको १६ दिने अभियान मनाइरहेका छन ।
जिल्लाको नवदुर्गा गाउँपालिकाले १६ दिने अभियान अन्तर्गत आइतवार १३ औँ दिनमा अन्तरक्रिया सम्पन्न गरेको छ । गाउँपालिकाको आयोजनामा पालिका स्तरीय अन्तरक्रिया सम्पन्न गरेको गाउँपालिका उपाध्यक्ष निर्मला बिष्टले बताईन ।
महिलाहरुलाई १६ दिने अभियानमा मात्र नभई जस्तोसुकै अवस्थामा पनि पालिका सहयोग गर्न तत्पर रहेको उनले भनाई रहेकोछ । महिला माथि हुने हिंसा तथा लैङ्गिक हिंसा न्युनीकरणको लागि सबै संग हातेमालो गरेर अघि बढ्ने उपाध्यक्ष बिष्टको भनाई छ ।
हरेक वर्षको २५ नोभेम्वर देखि १० डिसेम्वर, १६ दिनसम्म लैङ्गिक हिंसाका विरुद्ध ऐक्यवद्धता जनाउन र जनचेतना कायम राख्न विभिन्न क्रियाकलाप र कार्यक्रमहरु आयोजना गर्ने गरिन्छ । कार्यक्रममा आइडिएस नेपाल,लुनिभा बालसरोका,महिला मञ्च र किशोरी मञ्चले सहकार्य गरेका थिए ।
हरौं भिडियो सहित –
https://www.youtube.com/
