कञ्चनपुरमा धामीझाँक्री गर्ने क्रममा मन्दिरमै ढलेका बृद्धको मृत्यु भएको छ।
जिल्लाको भीमदत्त नगरपालिका– २ महुलियास्थित बिडेश्वर महादेव मन्दिरको शिलान्यास कार्यक्रममा धामीझाँक्री गर्ने क्रममा एक्कासी ढलेका ६५ वर्षीय अंकसिंह भण्डारीको मृत्यु भएको प्रहरीले जनाएको छ।
जिल्ला प्रहरी कार्यालयका प्रवक्ता प्रहरी नायब उपरीक्षक अमरबहादुर थापाले मन्दिरमै ढलेका बैतडीको पुर्चौडी नगरपालिका–१ का भण्डारीको उपचारका क्रममा महाकाली अस्पतालमा मृत्यु भएको दिनेशखबरलाई जानकारी दिए।
उनका अनुसार मृतकको शव परीक्षणका लागि महाकाली अस्पतालमै राखिएको छ।
