डडेल्धुरा ः डडेल्धुराका परशुराम नगरपालिकाका प्रमुख प्रशासकिय अधिकृत तारानाथ पनेरु र गन्यापधुरा गाउँपालिकाका प्रमुख प्रशासकीय अधिकृत दिलिपकुमार तामाङ लाई प्रबल जनसेवाश्री पदक प्रदान गरिने भएको छ ।
संविधान दिवसको अवसरमा नेपाल सरकार, मन्त्रिपरिषद्को सिफारिसमा राष्ट्रपति विद्यादेवी भण्डारीले प्रशासकीय अधिकृत तारानाथ पनेरु र तामाङ लाई प्रबल जनसेवाश्री पदकबाट विभूषित गर्ने घोषणा गरेका हुन् ।
डडेल्धुराका प्रमुख जिल्ला अधिकारी मोहनराज जोशीसहित डडेल्धुरामा कार्यरत कर्मचारी, जिल्लामा स्थायी बसोबास रहेका समाजसेवी, शिक्षक र कलाकार गरी ९ जना विभूषित हुने भएका छन्। विभूषण नेपाली नयाँ वर्ष वैशाख १ गते राष्ट्रपतिबाट वितरण गरिने भएको छ ।
