काठमाडौंः नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले अस्थायी,करार र ज्यालादारी कर्मचारीलाई स्थायी बनाउन पहल गर्ने बताएका छन् । अखिल नेपाल सरकारी अस्थायी, करार तथा ज्यालादारी कर्मचारी श्रमिक संघको चौथो राष्ट्रिय सम्मेलनको शुक्रबार राजधानीमा उद्घाटन गर्दै अध्यक्ष प्रचण्डले अस्थायी,करार र ज्यालादारी कर्मचारीको तलब भत्ता वृद्धि गर्न पहल गरिने बताएका हुन् ।
उनले भने,६० हजार जति अस्थायी करार र ज्यालादारी कर्मचारी हुनुहुन्छ । हामीहरु श्रमिकहरुको हकहितका निम्ति सदैव प्रतिवद्ध छौं । निजामति सेवा ऐनलाई संशोधन गरेर तपाईंहरुका माग सम्बोधन गर्न लाग्नेछु । म प्रधानमन्त्री हुँदा तपाईँहरुको माग सम्बोधन गर्न पहल गरेको थिए ।ु
गठबन्धनभित्र निजामति सेवालाई अन्तिम रुप दिएर पारित गर्ने प्रकृयामा रहेको प्रचण्डको भनाइ छ । प्रचण्डले समावेशी लोकतन्त्र, सामाजिक न्याय र सुरक्षालाई दृढका साथ कार्यान्वयन गरिने बताए । श्रमिकको हकहित र न्यायका लागि लड्ने उनले बचन दिए। अन्नपुर्ण र्दनिक बाट
