डडेल्धुराः डडेल्धुरामा अवैध गाँजा फडानी गरीएको छ । सोमवार जिल्ला प्रहरी कार्यालयको ‘समुदाय प्रहरी साझेदारी कार्यक्रम’ अन्तर्गत अवैध गाँजा फडानी गरीएको हो ।
जिल्लाको आलिताल गाउँपालिका –८ मौरीबजार बाघखोरस्थित प्रहरी चौकी आलितालबाट प्रहरी सहायक निरीक्षक भिमराज भट्टको कमाण्डमा खटिएको प्रहरी टोली र स्थानिय समाजसेबी तथा अन्य नागरीकहरुको सहभागितामा अवैध गाँजा फडानी गरीएको जिल्ला प्रहरी कार्यालय डडेल्धुराले जनाएको छ ।
स्थानियहरुको खेतबारी, सार्वजनिक स्थान, सडक छेउछाउ र बजार वरिपरी गरी करिव २ रोपनि जमिनमा आफै उम्रेका ५५० गाँजाका बोटहरू फडाँनी गरी नष्ट गरिएको जिप्रका डडेल्धुराले जनाएको छ ।
