दाङ । दाङको गढवामा लागु औषधसहित दुईजना पक्राउ परेका छन् । कोईलाबास लमही सडकखण्ड अन्तरगत गढवा गाउँपालिका वडा नम्बर ७ घोराहामा घोराही उपमहानगर पालिका वडा नम्बर १५ निवासी वर्ष २३ का रिहा जुदिन र सोही ठाउँ निवासी वर्ष २२ का चालक अरमान धुनिया पक्राउ परेका हुन् ।
ईलाका प्रहरी कार्यालय गढवाको टोलीले मंगलबार बेलुका कोईलाबास बाट घोराहीतर्फ जाँदै गरेको लु३१प १५७८ नम्बरको स्कुटरसहित ५५ ग्राम ७८० मिलिग्राम ब्राउन सुगर जस्तो देखिने लागु औषध पक्राउ गरिएको प्रहरीले जनाएको छ ।
गोप्य सुराकीको आधारमा स्कुटर जाँच गर्दा हेल्मेट भित्र लुकाई छिपाई अवस्थामा लागु औषध फेला पारेको ईलाका प्रहरी कार्यालय गढवाका प्रहरी निरिक्षक भरत सिँह राँठौरले जानकारी दिए ।
