डडेल्धुरा – नेपाली कांग्रेसको १४औं महाधिवेशनमा सभापति पद ताकेका केन्द्रीय सदस्य डा.शेखर कोइरालाले सभापति शेरबहादुर देउवाको गृहजिल्ला डडेल्धुरामा आईतवार पुगेर बबन्डर मच्चाएका थिए ।
डडेल्धुरामा डा.कोइराला सहभागी कांग्रेसको भेलामा कुटाकुट भएको थियो ।
डडेल्धुरा पुगेर कोइरालाले गुटबन्दी गर्दै पार्टीलाई कमजोर बनाउन खोजेपछि कार्यकर्ता आक्रोशित बनेका थिए । डडेल्धुरा नेपाली कांग्रेसले निरन्तर संसदीय चुनाव जित्दै आएको जिल्ला हो ।
डडेल्धुरामा सभापति शेरबहादुर देउवाको कामका कारण हरेक निर्वाचनमा जित्दै आएका छन् । तर कोइरालाले डडेल्धुरा आएर डडेल्धुरामा पार्टीलाई कमजोर बनाउन खोजेको भन्दै कार्यकर्ता आक्रोशित बनेका थिए ।
कोइरालाले आयोजना गरेको भेलामा कुटाकुट हुँदा ६ जना घाइते भएका थिए ।
भेलामा केन्द्रीय सदस्य अर्जुनरसिंह केसी, डा. शेखर कोइराला र गुरुराज घिमिरे लगायत सहभागी थिए ।
जिल्ला सभापति कर्णबहादुर मल्ल पक्षले विरोध जनाएका बेला वडा अधिवेशन र पालिका अधिवेशन भएपछि डा. कोइरालाको टीम डडेल्धुरा आएको थियो ।
