धनगढी,२७ साउन। सुदूरपश्चिम प्रदेश सरकारको वार्षिक प्रगति समिक्षामा पत्रकारलाई निषेध गरेको छ । मुख्यमन्त्री तथा मन्त्रीपरिषद् कार्यालयले आयोजना गरेको प्रदेश सरकारको आर्थिक वर्ष २०७७/७८ को समिक्षा कार्यक्रममा पत्रकारलाई भित्र बस्न रोक लगाएको हो ।
कार्यक्रममा समाचार सङ्कलनको लागि बोलाइएको भएपनि कार्यक्रममा फोटो खिचेर निस्कन भनिएको थियो। समिक्षा कार्यक्रममा प्रदेशका मन्त्री राज्यमन्त्री र कर्मचारीहरूको सहभागिता रहेको छ ।अहिले समिक्षा कार्यक्रम मुख्यमन्त्री तथा मन्त्रीपरिषद् कार्यालयमा बसिरहेको छ ।
