सुदूरपश्चिम प्रदेशका थप ६२ जनामा कोरोना संक्रमण पुष्टि भएको छ । प्रदेशका तीन वटा प्रयोगशालामा गरीएको कोरोना परीक्षण भएकोमा ६२ जनामा संक्रमण पुष्टि भएको हो ।
सेती प्रादेशिक अस्पतालको प्रयोगशालमामा पछिल्लो २४ घण्टामा ५ सय २२ नमुना परीक्षणमा १९ महिला ३४ पुरुष गरी ५३ जनामा संक्रमण पुष्टि भएको हो ।
सेती प्रादेशिक अस्पतालका सूचना अधिकारी दिलिपकुमार श्रेष्ठका अनुसार कैलालीको धनगढी उपमहानगरपालिकाको वडा नम्बर १२ का १० जना, वडा नम्बर १८ का ९ जना, वडा नम्बर १ का ४ जनामा संक्रमण पुष्टि भएको उनले जानकारी दिनुभयो ।
यस्तै वडा नम्बर ५, १४ र १७ का दुई दुई जना, त्यसैगरी वडा नम्बर ७, १३ र १५ का एक एक जनामा पनि संक्रमण पुष्टि भएको उनले बताउनु भयो । यस्तै कैलालीको बर्दगोरिया गाउँपालिकाका २ जना र गोदावरी नगरपालिका–१ का १ जनामा समेत कोरोना संक्रमण देखिएको सूचना अधिकारी श्रेष्ठले बताउनु भयो ।
यस्तै कञ्चनपुरको भीमदत्त नगरपालिकाका ६ जना, पुर्नवास नगरपालिकाका ५ जना, शुक्लाफाटा नगरपालिकाका ४ जना र बेदकोट नगरपालिकाका २ जनामा पनि कोरोना देखिएको छ ।
भने, दार्चुलाको स्थानीय तह नखुलेको एक जनामा समेत कोरोना संक्रमण भेटिएको छ । उता जिल्ला अस्पताल बैतडीको प्रयोगशालामा गरीएको परीक्षणमा गरीएको परीक्षणमा ६ जनामा कोरोना पुष्टि भएको छ । जिल्ला प्रहरी कार्यालय बैतडीमा कार्यरत प्रहरी निरीक्षक सहित ५ प्रहरीमा कोरोना भाइरसको संक्रमण पुष्टि भएको हो ।
कोरोना पुष्टि हुनेमा एकजना प्रहरी निरीक्षक, एकजना प्रहरी नायव निरीक्षक, एकजना प्रहरी सहायक निरीक्षक, एकजना हवल्दार र एकजना जवान रहेका छन । संक्रमण पुष्टि भएका सबै हाल क्वारेन्टाइनमा रहेका र आइसोलेट गर्ने काम भइरहेको डिएसपी नारायणप्रसाद अधिकारीले बताउनु भयो ।
उनीहरुको स्वास्थ्य अवस्था सामान्य रहेको छ । यस्तै जिल्ला अस्पताल डोटीको प्रयोगशालामा पछिल्लो २४ घण्टामा ४१ जनाको परीक्षण गर्दा ३ जनामा संक्रमण पुष्टि भएको प्रयोगशाला इन्चार्ज शौरभ श्रेष्ठले बताउनु भयो । श्रेष्ठका अनुसार डोटीको दिपायल सिलगढी नगरपालिका–६ का एक जना र केआई सिह गाउँपालिकाका एक जनामा कोरोना पुष्टि भएको हो ।
योसंगै सुदूरपश्चिममा कोरोना संक्रमितको संख्या ७ हजार ९ सय ५१ पुगेको छ । संक्रमण पुष्टि भएका ६ हजार ६ सय ८८ जनाले कोरोना जितेका छन भने १८ जना संक्रमितको मृत्यु भएको छ ।
