सुदूरपश्चिमका थप ७९ जनामा कोरोना संक्रमण पुष्टि भएको छ। सेती प्रादेशिक अस्पताल, डडेल्धुरा अस्पताल र डोटी जिल्ला अस्पतालमा गरि ७९ जनामा संक्रमण पुष्टि भएको छ । सेती प्रादेशिक अस्पतालको प्रयोशालामा थप ३६जनामा कोरोना पुष्टी भएको छ ।
पछिल्लो २४ घण्टामा ४ सय २८ जनाको कोरोना परीक्षण भएकोमा थप ३६ जनामा संक्रमण पुष्टी भएको हो । सेती प्रादेशीक अस्पतालका सुचना अधिकारी दिलीप कुमार श्रेष्ठका अनुसार संक्रमण पुष्टी हुनेमा कैलालीका ३५ जना र कञ्चनपुरका एक जना गरि ३६ जनामा संक्रमण पुष्टी भएको हो ।
धनगढी उप–महानगरपालिका वडा नम्बर वडा नम्बर २ र १३ का ८-८, वडा नम्बर १, ३ र ५ का २÷२ जना, वडा नम्बर ४, ११, १४ र १८ का १-१ जनामा संक्रमण पुष्टि भएको हो । कैलालीको गोदावरीका आठ जना, भजनीका एक जना र कञ्चनपुरको कृष्णपुरका एक जना गरि आज ३६ जनामा कोरोना पुष्टी भएको हो ।
धनगढी उपमहानगरपालिकामा मात्रै आज २६ जना कोरोना संक्रमित थपिएका छन । उता डडेल्धुरा अस्पतालको प्रयोगशालामा भएको परीक्षणमा थप ८ जनामा संक्रमण पुष्टि भएको छ ।
पछिल्लो २४ घण्टामा एक सय ४३ जनाको कोरोना परीक्षण भएकोमा ८ जनामा संक्रमण पुष्टि भएको हो। अस्पतालका इन्चार्ज इश्वरी प्रशाद भूषालले दिएको जानकारी अनुसार संक्रमण पुष्टि भएका ८ जना अछाम जिल्लाको तुर्माखाद गाउँपालिकाका हुन् ।
यस्तै जिल्ला अस्पताल डोटीको प्रयोगशालामा पछिल्लो २४ घण्टामा एक सय ७२ जनाको कोरोना परीक्षण भएकोमा ३५ जनामा संक्रमण पुष्टि भएको छ। डोटीको आदर्श गाउँपालिकाका १३, दिपायल सिलगढाीका चार, अछामको रामारोशनका १६ र मेल्लेखका दुई जनामा संक्रमण पुष्टि भएको प्रयोगशाला इन्चार्ज शौरभ श्रेष्ठले बताए।
योसंगै सुदूरपश्चिम प्रदेशमा कोरोना संक्रमितको संख्या सात हजार एक पुगेको छ । संक्रमण पुष्टी भएका हालसम्म १५ जनो मृत्यु भईसकेको छ ।
