सेती प्रादेशिक अस्पताल प्रयोगशालामा थप ८२ जनामा कोराना संक्रमण पुष्टि भएको छ ।
पछिल्लो २४ घण्टामा २९१ जनाको परीक्षण गर्दा थप ८२ जनामा कोराना संक्रमण पुष्टि भएको अस्पतालका सूचना अधिकारी दिलिपकुमार श्रेष्ठले जानकारी दिए ।
संक्रमण पुष्टी हुनेमा ५० पुरुष र ३२ महिला रहेका अस्पतालले जनाएको छ । कैलालीका ७४, डडेल्धुराका ४, कञ्चनपुरका ३ र डोटी एक जनामा पनि संक्रमण पुष्टी भएको अस्पतालले जनाएको छ ।
उपमहानगरपालिकाको वडा नम्बर २ का २ जना, वडा नम्बर ३,८ र १४ का एक/एक जना, वडा नम्बर ५ का ५ जना, र धनगढी कैलालीका एक जनामा संक्रमण देखिएको जानकारी दिए ।
त्यस्तै कैलालीको गोदावरीका ३ जना, घोडाघोडीका २, जोशीपुरका ७ जना, बर्दगोरीयाका २ जना, कैलालीको कैलारीका ५जना, र टिकापुरका २९जना, भजनी एक जना, मोहन्यालका १०जना, लम्कीचुहा कैलालीका ३ जना, कैलालीको स्थानीय तह नखुलेका एक जनामा पनि संक्रमण पुष्टी भएको छ ।
डडेल्धुराका ४, कञ्चनपुरका ३ र डोटी जोरायलका एक जनामा पनि संक्रमण पुष्टी भएको अस्पतालले जनाएको छ ।
