कञ्चनपुर— कञ्चनपुरको मध्ये भागमा रहेको शुक्लाफाँटा नगरपालिकाले थप अर्को एम्बुलेन्स खरिद गरेको छ । नगरवासीलाई थप सेवा उपलव्ध गरान सहजताका लागी रु १० लाख ९९ हजारको लागतमा एम्वुलेन्स खरिद गरिएको हो । गत आर्थिक वर्ष २०७७÷०७८ मा एम्वुलेन्स खरिदका लागि नगरपालिकाले १५ लाख वजेट विनियोजन गरी खरिद प्रक्रिया अगाडी वढाएको थियो ।
नगरपालिकामा रहेको एउटा एम्वुलेन्सले मात्रै जनतालाई सेवा उपलव्ध गराउन समस्या देखिने भएकाले नया एमवुलेन्स खरिद गरिएको नगर प्रमुख दिल वहादुर ऐरले वताउनु भयो । कोरना महामारीका वेला एक मात्र सरकारी एम्वुलेन्सले सम्पुर्ण किसिमका विरामीलाई एम्वुलेन्स सेवा दिन गाह्रो भएकोले गर्भवती महिला लगायतका आपद–विपद्मा परेकालाई वोक्दा रोगको संकमण फैलन सक्ने भएको कारण नगरपालिकाले अर्को थप एम्वुलेन्सको व्यवस्थापन गरिएको नगरपालिकाका प्रमुख प्रशासकीय अधिकृत विशनसिंह थापाले बताए । यस्तै एम्वुलेन्स सञ्चालनका लागि कार्यविधि बनाएर कार्यपालिकाबाट स्विकृती गराएर लागु गरिने थापाले जानकारी दिए ।
नगरपालिकामा शुक्रवार नयाँ एम्बुलेन्स पुगेको हो । अहिले पिपलाडी स्वास्थ्य चौकीमा रहेको एम्वुलेन्सले सेवा उपलब्ध गराउँदै आएको छ । नगरपालिकामा एम्बुलेन्स थप भएसंगै सेवा उपलव्ध गराउन सहज हुने विश्वास लिइएको छ ।
